Leopard cub rescued from open well at Kalsari village near Visavadar

30-05-2012
Leopard cub rescued from open well at Kalsari village near Visavadar
Divya Bhaskar
http://www.divyabhaskar.co.in/article/SAU-save-leaopards-pet-from-wall-3339868.html

કાલસારી ગામના કૂવામાંથી દીપડીના બચ્ચાંને બચાવાયું

- માતા સાથે મિલન થાય તે માટે આજ સ્થળે મુકત કરી દેવાયું

વિસાવદરનાં કાલસારી ગામની સીમમાં એક કુવામાં ખાબકી ગયેલાં દીપડીનાં બચ્ચાને વન વિભાગે રેસ્કર્યું ઓપરેશન હાથ ધરી બચાવી લીધું હતું.

તાલુકાનાં કાલસારી ગામની સીમમાં કાંતીભાઇ હરિભાઇ ભાલીયાનાં ખેતરમાં આવેલા ૩૫ થી ૪૦ ફૂટ ઉંડા કુવામાં ગત રાત્રિનાં સમયે દીપડીનું ત્રણ માસનું બચ્ચું ખાબકી ગયું હતું. આજે સવારે કાંતીભાઇ તેમનાં મજુરો સાથે બાજરાનાં વાવેતરની કાપણી કરી રહયાં હતા ત્યારે કુવામાંથી વન્યપ્રાણીનો અવાજ સાંભળવા મળતાં વન વિભાગને જાણ કરતા એસીએફ ઠુમર અને આરએફઓ જાડેજા સ્ટાફ સાથે ઘટના સ્થળે દોડી ગયા હતા અને મદદ માટે સાસણની રેસ્કયુટીમને પણ બોલાવી લીધી હતી. ત્યારબાદ બચ્ચાને સહિ સલામત કુવામાંથી બહાર કાઢી તેની માતા સાથે મિલન થઇ જાય તે માટે આજ સ્થળે મુકત કરી દેવાયું હતું.

- બીજુ બચ્ચું મહિલા કર્મચારીના બે પગ વચ્ચેથી પસાર થઇ ગયું

કાંતીભાઇનાં ખેતરમાં ઘણાં સમયથી દીપડીએ તેનાં બચ્ચા સાથે ધામા નાખ્યા હોય બીજું એક બચ્ચું રેસ્કયુ ટીમનાં મહિલા કર્મચારી રસીલાબેનનાં બે પગ વચ્ચેથી પસાર થઇ બાજરાનાં વાવેતરમાં ચાલ્યું ગયું હતું. ખેતરમાં મુકામ કરી રહેલી દીપડીથી રક્ષણ આપવા વન વિભાગનો સ્ટાફ પણ બાજરાની કટાઇ કામગીરી સુધી રહેશે તેમ આરએફઓ જાડેજાએ જણાવ્યું હતું.