Man on tree for one hour to save himself from lion; at Amba village in Liliya Taluka
Bhaskar News, Liliya
http://www.divyabhaskar.co.in/article/SAU-lion-roaring-near-liliya-and-young-man-vanished-2617110.html?HFL=
- યુવાનને સાવજે પોતાના મિજાજની એક ઝલક દેખાડી
- લીલીયાના આંબા નજીક સાવજે ત્રાડ નાખતાં જ યુવાનના ગાઢ મોકળા થયાં
લીલીયા તાલુકાના આંબા તથા આસપાસના વિસ્તારમાં વસતા સાવજોનું ગૃપ નિહાળવા લોકોની મોટી ભીડ જમા થાય છે. અહિં કોઇ સાવજનો કાંકરી ચાળો ન કરે ત્યાં સુધી તે ગુસ્સે થતા નથી. આજે આંબા ગામનો એક યુવાન સાવજોની નજીક જતા એક સાવજે પોતાના મિજાજની માત્ર ઝલક દેખાડતા જ યુવાન ઝાડ પર ચડી ગયો હતો અને એક કલાક સુધી સાવજો હટયા નહી ત્યાં સુધી નીચે ઉતર્યો ન હતો.
સિંહ દર્શન માટે એકઠા થતા લોકોને ક્યારેક ક્યારેક જીંદગીભર ન ભુલી શકાય તેવા અનુભવો થતા હોય છે. લીલીયા તાલુકાના આંબા ગામના એક યુવકને આજે આવો જ અનુભવ થઇ ગયો હતો. આંબા ગામનો સાવજ અટક ધરાવતો એક યુવાન આજે પોતાનું મોટર સાયકલ લઇ ચાંદગઢથી આંબા તરફ આવતો હતો ત્યારે બે ડાલામથ્થો તેનો રસ્તો રોકીને બેઠા હતા.
આ યુવાને પોતાનું મોટર સાયકલ તો ઉભુ રાખી દીધુ પરંતુ બાદમાં ધીમે ધીમે ચાલતા સિંહની નજીક જવાની પણ હિંમત કરી.
આ યુવાન સાવજની નજીક ગયો ત્યારે પોતાના અસલી મિજાજનો પરિચય આપી એક સાવજે ત્રાડ નાખતા જ યુવકના ગાઢ મોકળા થઇ ગયા હતા અને તે યુવાન દોડીને ઝાડ પણ ચડી ગયો હતો. જો કે સાવજે યુવક પાછળ દોટ મુકી ન હતી પરંતુ એક કલાક સુધી સાવજો ત્યાં રહ્યા હતા જેને પગલે આ યુવાન પણ ઝાડ પરથી નીચે ઉતરી શક્યો ન હતો.
આખરે કલાક બાદ સાવજો અહિંથી ચાલ્યા જતા યુવાને હાંસકારો અનુભવ્યોહતો અને ઝાડ પરથી નીચે ઉતરી ઘરની વાટ પકડી હતી.
No comments:
Post a Comment