Three lions kill a cow at Motha village near Una

09-04-2012
Three lions kill a cow at Motha village near Una
Divya Bhaskar
http://www.divyabhaskar.co.in/article/SAU-RJK-three-lion-attack-on-cow-una-3082370.html

ઊનાનાં મોઠા ગામની સીમમાં ત્રણ સાવજોએ ગાય પર હુમલો કરી તેને ગંભીર રીતે ઘાયલ કરી હોય આ વિસ્તારમાં ભારે ફફડાટ ફેલાયો છે.

આ અંગે મળતી વિગત મુજબ ઊના તાલુકામાં મોઠા ગામની સીમમાં રહેતા ભગુભાઇ હમીરભાઇ ગોહીલની વાડીએ બાંધેલી ગાય પર આજે વહેલી સવારનાં એક સિંહે હુમલો કર્યો હતો. સિંહનાં હુમલાથી ગાયએ બાંધેલુ દોરડું તોડાવી વાડીમાં દોડવા લાગી હતી. જેનાં ભાંભરડાથી ભગુભાઇનો પરિવાર જાગી ગયો હતો. અને ગાયને બચાવવા વાડીમાં દોડી ગયા હતા. જ્યાં તેમની ગાયની પાછળ ત્રણ સાવજોએ દોટ મૂકી હોય તે પણ મૂંઝવણમાં મૂકાઇ ગયા હતા. અંતે ભારે હાકલા પડકારા કરતો આ પરિવાર ગાયની મદદે પહોંચી જતા ત્રણેય સાવજોએ શિકારને પડતો મુકી નાસી જવું પડયુ હતું.

પરંતુ સાવજોએ કરેલા હુમલાથી ગાય લોહી લોહાણ થઇ ગઇ હતી. આ બનાવની જાણ થતા વનકર્મી જે.સી.ગોસ્વામી ઘટના સ્થળે પહોંચી જઇ સિંહનું લોકેશન મેળવવા પ્રયત્નો હાથ ધર્યા છે. આ વિસ્તારનાં લોકોમાં સાવજનાં આ હુમલાથી ભારે ફફડાટ ફેલાયો છે.