Leopard kills two stray dogs at Kubda near Dhari

11-02-2013
Leopard kills two stray dogs at Kubda near Dhari
Divya Bhaskar
http://www.divyabhaskar.co.in/article/SAU-AMR-leopad-attck-on-dogs-in-amreli-4176105-NOR.html?OF24=

ધારીના કુબડામાં દીપડાએ બે કુતરાને ફાડી ખાધા

- મકાનનાં ફળીયામાં ઘૂસી જઈ શિકાર કર્યો

ધારી તાબાના ગીરકાંઠાના ગ્રામ્ય વિસ્તારોમાં અવારનવાર જંગલમાંથી વન્યપ્રાણીઓ આવી ચડે છે. અને દુધાળા પશુઓ તેમજ માણસ પર હુમલો કરી બેસે છે. ધારીના કુબડા ગામે પણ ગઇકાલે એક મકાનના ફરજામાં દીપડો ઘુસી ગયો હતો. અને બે કુતરાઓનો શિકાર કર્યો હતો.

ગીર જંગલમાં વસતા વન્યપ્રાણીઓ હવે રેવન્યુ વિસ્તારમાં વધુ પ્રમાણમાં જોવા મળી રહ્યાં છે. ધારી તાબાના કુબડા ગામે કેટલાક સમયથી એક દીપડો આંટાફેરા મારી રહ્યો છે. ગઇકાલે આ દીપડો ગામમાં ઘુસી આવ્યો હતો. અને પ્રવિણભાઇ અમરેલીયાના મકાનના ફરજામાં ઘૂસી બે કુતરાઓનો શિકાર કર્યો હતો.

ગામમાં દીપડો ઘુસી જતા લોકોમાં ભય ફેલાઇ ગયો હતો. આ અંગે વનવિભાગને આ દીપડાને તાકિદે પાંજરે પુરવા ગ્રામજનોએ જાણ કરી હતી. આ વિસ્તારમાં અવારનવાર જંગલમાંથી વન્યપ્રાણીઓ આવી જાય છે. જેના કારણે ખેડુતો વાડી ખેતરોમાં રાત્રીના જતા ભય અનુભવી રહ્યાં છે. આ વિસ્તારમાં વનવિભાગ દ્વારા પેટ્રોલીંગ વધારવામાં આવે તેમજ આ દપિડાને તાકિદે પાંજરે પુરવામાં આવે તેવુ લોકો ઇચ્છી રહ્યાં છે.