A Leopard Snatch away a small child from his mother

20-02-2012
A Leopard Snatch away a small child from his mother
Divya Bhaskar By Manish Trivedi
http://www.divyabhaskar.co.in/article/SAU-RJK-c-120-2341-2885402.html?OF11=

માની સોડમાંથી માસુમને આંચકી ગયો દિપડો

- ઉનાનાં ખાપટ ગામે મોડી રાત્રે બનેલો બનાવ
- બનાવથી દેવીપૂજક પરિવારમાં શોકનું મોજુ ફરી વળ્યું
- વન ખાતું દિપડાને પકડવા મેદાનમાં આવ્યું

જુનાગઢ જિલ્લામાં જંગલ વિસ્તારમાં છેલ્લા કેટલાક દિવસોથી દિપડાઓનો આતંક વધ્યો છે ત્યારે ઉના પંથકમાં ગત મોડી રાત્રે નિંદ્રાધીન બાળકને દિપડો ઉઠાવી જઇ ફાડી ખાતા અરેરાટી વ્યાપી ગઇ છે. બનાવની મળતી વિગતો મુજબ, મુળ જુના ઉગલા ગામનાં અને હાલ ઉનાનાં ખાપટ ગામે રહી માલ ઢોરની લે વેંચ કરતા નાનજીભાઇ વલકુભાઇ વાઘેલા નામનો દેવીપૂજક યુવાન ગઇ કાલે રાત્રે પત્ની, ત્રણ પુત્ર અને એક પુત્રી સાથે બળદ, બકરાને લઇ વતનમાંથી ખાપટ ગામે પહોંચ્યો હતો.

પરિવાર સાથે પહોંચતા નાનજીભાઇએ બકરા અને બળદ ગાડા પાસે બાંધી દઇ ગાડાની નજીક પરિવાર સાથે સુઇ ગયા હતા. દરમિયાન સાડા દસ વાગ્યાનાં અરસામાં કંઇ અવાજ આવતા નાનજીભાઇ જાગી ગયા હતા. તપાસ કરી તો બકરા અને બળદ હેમખેમ હતા. જ્યારે સંતાનોને તપાસતા ત્રણ પુત્ર પૈકી વચેટ રવિ (ઉ.વ.૩) નજરે પડ્યો ન હતો.

આસપાસનાં વિસ્તારોમાં તપાસ કરવા છતા નહીં મળતા અંતે નાનજીભાઇએ ગ્રામજનોની મદદ લીધી હતી. ત્યારે સોમવારે સવારે ગામની સીમમાંથી નાનજીભાઇનાં પુત્ર રવિનાં શરીરનાં જુદા જુદા અવયવો અલગ અલગ સ્થળેથી મળી આવતા અરેરાટી વ્યાપી ગઇ હતી.

તપાસમાં રાત્રીનાં સમયે દિપડો ત્રાટકી નાનજીભાઇનાં પુત્ર રવિને ઉઠાવી જઇ ફાડી ખાધાનું બહાર આવ્યું હતું. બનાવની વન વિભાગને જાણ કરતા ટુકડી ખાપટ ગામે દોડી આવી છે અને માનવભક્ષી દિપડાને ઝડપી લેવા કવાયત હાથ ધરી છે. બનાવને પગલે દેવીપૂજક પરિવારમાં ગમગીની છવાઇ ગઇ છે.