Cubs Finally Meet His Mother Panther

08-11-2012

Cubs Finally Meet His Mother Panther
Divya Bhaskar
http://www.divyabhaskar.co.in/article/SAU-cubs-finally-meet-his-mother-panther-4022444.html?OF6=

- ડોળાસા ગામે શેરડીનાં વાડની કાપણી વખતે બચ્ચાં મળી આવ્યા

કોડીનાર તાલુકાનાં ડોળાસા ગામે શેરડીનાં વાડમાં કાપણી વખતે દીપડીથી વિખૂટાં પડેલા બે બચ્ચાં મળી આવ્યા હતા. વનવિભાગને જાણ કરાયા બાદ તેઓનું માતા સાથે મિલન કરાવાયું હતું.

પ્રાપ્ત વીગતો મુજબ, કોડીનાર તાલુકાનાં ડોળાસા ગામે નોંઘણભાઇ રાજાભાઇ રાઠોડની વાડી ચીખલી રોડ પર આવી છે. જ્યાં તેમણે શેરડીનો પાક લીધો છે. શેરડીની કાપણીનું કામ ખાંડ ફેક્ટરીનાં મજૂરો કરી રહ્યા હતા. એ વખતે સવારે ૧૧ વાગ્યે વાડમાંથી દીપડીથી વિખૂટા પડેલાં બે બચ્ચા મળી આવ્યા હતા. આથી દીપડી પણ નજીકમાંજ હોવાનું માની તેઓ વાડથી દૂર જતા રહ્યા હતા. અને વાડી માલિકને જાણ કરી હતી. આથી વાડીમાલિક નોંઘણભાઇ વન્યપ્રાણી પ્રેમી બાલુભાઇ રાઠોડ સાથે વાડીએ પહોંચ્યા હતા.

બાલુભાઇએ આ અંગે જામવાળા ખાતે આર.એફ.ઓ. પરમારને કરી હતી. આથી આર.એફ.ઓ. પરમારની સુચનાથી ફોરેસ્ટર ભરવાડ, બીટ ગાર્ડ જાદવ અને ડ્રાઇવર બુધેચા પાંજરા સાથે ઘટનાસ્થળે પહોંચ્યા હતા. અને વાડી પાસે પાંજરું ગોઠવી દીધું હતું.

મોટા પાંજરા પાસે એક નાનું પાંજરું મૂકી તેમાં બે બચ્ચાંઓને મૂક્યા હતા. આથી સાંજે ૬:૩૦ વાગ્યે દીપડી તેના બચ્ચાંઓનો અવાજ સાંભળી ત્યાં આવી ચઢી હતી. અને પાંજરે પુરાઇ ગઇ હતી. દીપડી પકડાઇ જતાં આસપાસનાં ખેડૂતોએ રાહતનો દમ ખેંચ્યો હતો.

- તસ્વીર: અનીલ કાનાબાર