Dead Leopard found near Kodinar

31-12-2012
Dead Leopard found near Kodinar
Divya Bhaskar
http://www.divyabhaskar.co.in/article/SAU-dath-of-panther-in-kodinar-4131609-NOR.html

બે વર્ષના દીપડાનું મોત, મળી આવ્યો મૃતદેહ

- આણંદપુર ગામની સીમમાં વહેલી સવારે મૃતદેહ મળી આવ્યો, કોઇ જંગલી પ્રાણી સાથેની ઇનફાઇટ પ્રાથમિક તારણ

કોડીનાર તાલુકાનાં આણંદપુર ગામની સીમમાં આજે પરોઢીયે બે વર્ષનાં દીપડાનો મૃતદેહ મળી આવતા વનવિભાગ દ્વારા પીએમ સહિતની કાર્યવાહી હાથ ધરી છે. જો કે, કોઇ જંગલી પ્રાણી સાથેની ઇન્ફાઇટમાં તેનું મોત થયું હોવાનું પ્રાથમિક તારણ બહાર આવ્યું છે.

પ્રાપ્ત માહિતી મુજબ તાલુકાનાં આણંદપુર ગામની સીમમાં બે વર્ષનાં દીપડાનો મૃતદેહ મળી આવતા જામવાળા(ગીર) ફોરેસ્ટનાં આર.એફ.ઓ. એલ.ડી.પરમાર સહિત સ્ટાફ ઘટના સ્થળે દોડી જઇ દીપડાનો મૃતદેહને સાસણ એનીમલ કેરમાં પીએમ માટે ખસેડી આપેલ હતો. જ્યારે આર.એફ.ઓ.નાં જણાવ્યા મુજબ દીપડા સાથે અન્ય કોઇ જંગલી પ્રાણીની ઇન્ફાઇટ થયી હોવાનું પ્રાથમિક તારણ મળે છે.

જ્યારે કોઇએ દીપડાને મારી નાંખ્યો છે કે કેમ, તેનું કારણ પીએમ બાદ જ જાણવા મળે તેમ છે. નોંધનીય એ છે કે, કોડીનાર પંથકનાં ગ્રામ્ય વિસ્તારોમાં દીપડાનો તરખાટ છે ત્યારે આજે બે વર્ષીય દીપડાનો મૃતદેહ મળી આવતા આ વિસ્તારમાં દીપડા પરિવારનાં ધામા હોવાનું પણ સંકેત મળી રહ્યા છે.